Kıran ayın irmisindä Kongaz gimnaziyasında V. Topalın adına geçti klastan dışandakı meropriyatie

angısı adandı Gagauziyanın 28-inci yıldönümünӓ: ‘‘Ko bizim Vatanımız, Gagauziya, diveç yaşasın!’’ Meropriyatiyada pay aldılar üürenicilӓr 2-9 klaslardan. Üüredicilӓr koydu neet açıklamaa sevdayı ana tarafına, Vatanına, göstermӓӓ gagauz halkın adetlerini, tradițiyalarını.

Tamamnamaa deyni bu neetleri, uşaklar okudular şiir, oynadılar gagauz halk oyunnarını, çaldılar türkü, gösterdilӓr kendi becermeklerini artıstık uurunda. Meropriyatiyada oldu baalantı muzey eksponatlarınnan. Bolӓ klastan dışarı meropriyatıyalar alıştırêrlar üürenicilerdӓ sevda ana tarafına, dilinӓ, adetlerӓ.